نیب میں خواجہ سلمان رفیق، فواد حسن فواد، عبدالعلیم خان کی الگ الگ پیشی، بیانات ریکارڈ کروائے..

لاہور۔29 مارچ( 29 مارچ2018ء)نیب لاہور کی جانب سے پیرا گون ہائوسنگ سوسائٹی کرپشن کیس کے سلسلہ میں ذاتی حیثیت سے طلب کرنے پر صوبائی وزیر صحت خواجہ سلیمان رفیق جمعرات کے روز نیب لاہور میں انکوائری ٹیم کے روبرو پیش ہوئے اور اپنا بیان ریکارڈ کروایا۔ آشیانہ اقبال ہائوسنگ پراجیکٹ کیس میں وزیر اعظم کے پرنسپل سیکرٹری فواد حسن فواد نیب ٹیم کے روبرو پیش ہوئے اور اپنا بیان قلمبندکروایا‘ پارک ویوہائوسنگ سوسائٹی کیس میں نیب کی جانب سے طلبی نوٹس پر پی ٹی آئی رہنما عبدالعلیم خان نے نیب ٹیم کے سامنے پیش ہو کر اپنا بیان ریکارڈ کروایا۔